Páskar, egg, mörgæsir og lífið!

G'day to ya'll!

Soldið langt síðan ég hef skrifað af einhverju viti.

Ég var að reyna að gera við kommentakerfið mitt en það er allt komið í rugl! Mér finnst html leiðinlegt af þeirri ástæðu einni að ég kann það ekki nógu vel og nenni ekki að læra það :)

Núna er svona dæmigerður páskadagur. Fór með syni mína í mat til ömmu og afa í sveitinni. Fengum ljúffent páskalamb með tilheyrandi. Er svo södd ennþá að mér líður hálfilla en á manni ekki einmitt að líða svoleiðis á páskunum? Páskaeggið mitt er ósnert heima hjá Jóa, ég kannski opna það bara á morgun.

Synir mínir voru að horfa á March of the Penguins og eru gjörsamlega heillaðir enda um meistarastykki að ræða. Steini kom til mín í miðri mynd og sagði með tárin í augunum að einn unginn hafa dáið og mörgæsamamman væri að gráta. Greinileg innlifun þarna á ferð.

Ég hafði það hins vegar loksins af að horfa á Lord of the Rings um helgina :) Allar þrjár myndirnar. Loksins :) Váááá! Hvað annað getur maður sagt? Ótrúlega vel gerðar myndir að öllu leiti. Mar bara trúði þessu varla sko!!

Annars er bara allt gott að frétta. Lífið er ljúft :)

Nokkur atriði sem þurfa að gerast sem fyrst samt:

1. þarf að fá helv. múrarann til að klára borðplötuna
2. þarf að fá smiðinn til að klára innréttinguna - mjög lítið eftir
3. þarf að taka herbergi strákanna í gegn! Nauðsynlegt!
4. þarf að vinna í lottó!!

Vonandi eigið þið góða og sæta páska :)